Óþekka stelpan

Ég fékk safndisk með hljómsveitinni Egó í útskriftargjöf vorið 2008. Þessi diskur fékk á tímabili að hljóma reglulega í bílnum, bæði þegar ég ók um einn, og einnig þegar aðrir fjölskyldumeðlimir voru farþegar í bílnum. Á plötunni er m.a. lagið "Stórir strákar fá raflost". Það hefst á orðunum: "Þeir hringdu í morgun, sögðu Lilla væri orðin óð. Húni biti fólk í hálsinn, drykki úr þeim allt blóð. Hún hafði sagt hún gæti ekki dottið..." og svo framvegis.

Þegar elsta dóttir mín var nýlega orðin þriggja ára, vorum við eitt sinn í smá bíltúr. Skyndilega segir sú stutta: "Pabbi, viltu hlusta á lagið um óþekku stelpuna sem bítur fólk í hálsinn?". Ég áttaði mig ekki alveg strax á því um hvað hún var að tala, en svo mundi ég eftir þessu Egó lagi. Sum börn fyljgast vel með textanum í rokk og popplögum. Ég er hættur að spila lagið með börnin í bílnum.

Athugasemdir

[Rósa Aðalsteinsdóttir, 13.2.2009 kl. 23:49]

Sæll Sindri minn

Gott hjá þér. Þetta er ógeðslegur texti fyrir barnið að hlusta á.

Katrín Stefanía og skólafélagar hennar eru á Flórída í sól og hita. Fóru á ráðstefnu og hittu Óla og Ernu. 

Vertu Guði falinn

Kær kveðja/Rósa

[Sindri Guðjónsson, 14.2.2009 kl. 11:34]

Já. Annars er yfirleitt allt í lagi fyrir börn að hlusta á Bubba, og jafnvel Egó, t.d. "Fjöllin hafa vakað". Kristey er hins vegar athugul, og greip þessar nokkrar setningar á lofti, sem ekki eru við hæfi barna.

[Sindri Guðjónsson, 14.2.2009 kl. 11:53]

Gaman að Katrín sé í Flórída. Það var annars hún sem gaf mér Egó diskinn í útskriftargjöf!

[Sindri Guðjónsson, 14.2.2009 kl. 11:53]

[Rósa Aðalsteinsdóttir, 14.2.2009 kl. 12:07]

Við verðum að skamma stelpuna.

[Aðalbjörn Leifsson, 15.2.2009 kl. 07:54]

Sæll Sindri þú ættir heldur ekki að spila Megas hann talar eða orgar um "krókodíla manninn blásvartan í framan" óhuggnanlegt.