2. Mós 4:11

Drottinn svaraði honum: „Hver gefur manninum munn, hver gerir hann mállausan eða heyrnarlausan, sjáandi eða blindan? Er það ekki ég, Drottinn?

Athugasemdir

[Baldvin Jónsson, 24.2.2009 kl. 11:22]

Gaman að detta hérna inn finnst mér. Ég eins og þú að virðist hef einnig sveiflast mikið í trúmálum en þó aldrei orðið 100% trúlaus.

Er kominn á þá skilgreiningu í dag að ég sé Kristinn, en samkvæmt mínum skilningi. Ég hef ákveðið að reyna mitt besta til að fylgja því sem JC sagði og velta hinum reglunum sem mennirnir skópu (að mínu mati) til að stjórna lýðnum ekki mikið fyrir mér.

Ég hef alltaf fundið fyrir Guði innra með sjálfum mér og það er helsta ástæða þess líklega að trúlaus hef ég aldrei orðið.

En ég dáist að fólki sem virkilega leggur sig fram við að leita svara og mér sýnist af stuttu ágripi þínu hér á blogginu um sjálfan þig að þú sért að leita. Það er afar skemmtileg ferð og þroskandi.

Fyrir mér hafði það einmitt mjög mikil áhrif á trú mína að hefja háskólanám, háskólanám er svo "skyndi" þroskandi - breytir miklu um hvernig maður hugsar og nálgast hlutina, eða að minnsta kosti ég.

Gangi þér vel með þínar vangaveltur.

[Matthías Ásgeirsson, 24.2.2009 kl. 11:31]

Ég hef ákveðið að reyna mitt besta til að fylgja því sem JC sagði

Sindri á örugglega eftir að benda þér á þetta, en JC sagði ýmislegt og því þarf fólk alveg jafn mikið að velja og hafna úr hans orðum og restinni af Biblí.

[Sindri Guðjónsson, 24.2.2009 kl. 13:03]

Sæll Baldvin. Ég gæti lengi talað um ýmislegt um Jesú, eins og hann birtist í guðspjöllunum, sem mér þætti ekki til eftirbreytni, en ég nenni því ekki í núna, en ef þú heldur áfram að heimsækja mig, áttu eftir að rekast á það! :-)  En þess utan er kannski vandamálið að enginn veit nákvæmlega hvað Jesús sagði og gerði, hvort sem er, og líklegast þykir mér að hann hafi einfaldlega verið gyðinglegur dómsdagsspámaður, sem ekki leit á sig sem annað en mann, en það er mjög útbreidd skoðun meðal veraldlegra fræðimanna sem fást við að rannsaka hinn sögulega Jesú. Jesús í guðspjöllunum er oft dáleiðandi, seiðandi, og fallega róttækur, ef svo má að orði komast. Ég hef alveg smekk fyrir því. En menn þurfa að velja og hafna hverju það er sem þeir ætla að fylgja, og hverju ekki.

Ég er sammála þér um að fólk eigi að leggja sig fram um að leita svara.

Ég hef nokkrum sinnum dottið inn á bloggið þitt, og haft gaman að.

Mér finnst ég ekki vera leitandi, en ég hef haft áhuga á Biblíunni og trúmálum lengi, ákvað að vera ekkert að henda því áhugamáli frá mér, þó ég væri hættur að trúa. Ég hef alltof gaman að því að grúska í þessum hlutum, til að hætta. 

Baldvin, er þessi Borgarahreyfing, sem býður sig fram til Alþingis, "Borgaraflokkur"? Ég vil nefnilega breytingar, en vil alls ekki að stjórnmálamenn hendi frá sér borgarlegu gildunum. Ég hlustaði á ræðu formannsins, og leyst vel á orð hans um að hlutverk stjórnvalda væri að verja eigur okkar og líf.

[Baldvin Jónsson, 25.2.2009 kl. 12:32]

Sælir aftur, já hreyfingin er borgaraflokkur. Undirtitillinn verður væntanlega "þjóðina á þing" til að fyrirbyggja misskilning. Það er því miður oft svo að landsbyggðin telur sig ekki með sem "borgara" vegna skírskotunar til Borgarinnar.

Við viljum gagngerar breytingar byggðar á eðlilegum gildum réttlætiskenndar og jöfnuðar. Endurheimt lýðræðis finnst mér vera stærsta réttlætis mál þjóðarinnar í áratugi eða hundruði.